في تدوينة على “انستغرام”، تحدّثت الممثلة رانيا القابسي، يوم الخميس 19 أكتوبر 2023، عن الوضع الصحّي للممثل التونسي أحمد الأندلسي.
وكشفت رانيا ان احمد الأندلسي خضع مؤخّرا لعملية جراحية ناجحة، دون توضيح طبيعة مرضه.
كما أشادت بدور زوجته في رعايته، مذكّرة بخصاله التي جعلته محبوبا في الوسط الفنّي.
وقالت: “خويا وعشيري بو حميد الرجولية والوقفة في وقت الغصرة صاحبي فنان وشباب من داخل و من برا و يحب لعباد و يموت على صحابو وعلى عائلتو ربي ما يخليهاش بيك خويا القوي منلي صغير يحارب وحدوا في الدنيا و ديما كلمت “”ستر الله”” في فموا ديما يفدلك وديما يضحكني حتى في أخيب وقت في حياتي خويا الباهي ديما يقول حمدالله على كل شيئ…الحمدالله العملية نجحت وأحمد ماشالله قاعد يتحسن.
ونحب نحكي على زوجتو سامية إلي واقفة معاه لحظة بلحظة الحمدالله هذيكا الزوجة الصالحة البنت العائلة إلي تلقاها أقوى من راجل في المواقف الصعيبة ربي يخليك وأنا زدت حبيتك أكثر على التعب إلي تعيش فيه على خاطر صاحبي الباهي إلي قاعد يحارب بش صحّتوا ترجع خير من قبل و أحسن.
المرض إبتلاء من عند الله للعباد إلي يحبهم ندعيلك من كل قلبي ترجع لاباس في صحة جيدة ربي يشفيك يا صاحبي ربي يشفيك الله يشفيك
ربي يقويك ربي يرجعلك صحة بدنك”.
